Duwa an narehistrong an nagadan makalihis maganap an sarong nakakagimbal na pamamadil sa ika-apat na palapag kan Ateneo de Zamboanga University Junior High School Campus ngunyan na aldaw.
Batay sa enot na ulat kan mga awtoridad, sarong estudyante hali sa Grade 7 an itinuturing suspek na suboot gumamit nin duwang klase nin baril sarong 9mm pistol asin assault sarong long arm rifle sa laog kan gusali. Tulos na nadangog an sunod-sunod na putok sa nasabing palapag na nagkawsa nin matinding takot sa bilog na campus.
Segun sa karagdagang ulat kan mga awtoridad, binisto an mga nasawi na saronh maestra, asin an mismong suspek na sarong Grade 7 honor student (Top 1) na nagbadil sa sadiri makalihis an panloloob. Ginamit kan suspek an sarong 9mm pistol asin M16 rifle sa pamamadil bago ini nagpagadan.
Padagos pa an masusing imbestigasyon kan mga awtoridad tanganing maaraman an motibo kan suspek, kun paano nailaog an mga makukusog na kalibre kan baril sa laog kan eskwelahan asin an opisyal na pagkakabisto kan mga biktima.
