NAGA CITY-Nag-atras na sa saindang kandidatura an 2 aspirante sa pagka-alkalde sa banwaan nin Lagonoy.
Sa entrevista kan Bombo Radyo Naga ki Arnel Bonde Añonuevo, Election Officer kan Comelec Lagonoy, sinaysay kaini an nasambitan ng mga personalidad an magtugang na nagdesisyon i-withdraw an saindang kandidatura sa pagka-alkalde kan nasambitan ng banwaan huli ta napag-ulayan soboot kan saindang bilog na pamilya na dae na ipadagos an saindang plano. Ini an pigbisto na sinda Jayson asin Jomarie Pilapil.
Katakod digde, sigun pa ki Añonuevo, an magtugang an parehas independent candidate asin first time na mag-file kan saindang kandidatura.
Kan mahapot man an Comelec-Lagonoy dapit sa panundunan na pigsusunod sa pagsunad nin COC kun enkaso magtugang o magkaka-apelyido, pigsaysay ni Añonuevo, na basta kumpleto an form, gabos na panundunan kan Comelec an nasunod, mayo man soboot na rason tanganing dae pag-akuon an COC kan mga aspirante maski pa magtugang o magkaka-apelyido.
An nasambitan ng pahayag an paglilinaw makalihis na mapag-araman na sa walong nagsunad kan saindang kandidatura sa pagka-alkalde sa banwaan nin Lagonoy lima digde an magkaka-apelyido.
Sa ibong na lado, para man sa posisyon kan Bise-alkalde, sulamenteng saro sana an nag-file nin COC asin ini an Incumbent Vice Mayor kan Lagonoy.
Pigtawan duon ni Añonuevo na maski mayong kalaban sa posisyon si Incumbent Vice Mayor Jerry Jake Rivero Remoto,kaipuhan pa man giraray na sa aldaw kan eleksyon an igwang magboto sa saiya maski saro sana tanganing manggana.
Dae soboot kaya pwede na zero an resulta kan pagboto ki Remoto huli ta boot sabihon kaini mayong nagboto sa saiya.
Mientrastanto, ini man an enot na pagkakataon an mayong magigin magkalaban sa posisyon kan Vice Mayor sa banwaan nin Lagonoy.
Huli kaini si Remoto an nasa huri asin ikatolong termino ngunyan na 2025 Midterm Election na mayong makakalaban.
Sa ngunyan, padagos soboot an pagtrabaho pa kan Comelec-Lagonoy para sa ikukundusir na eleksyon sa masunod na taon.
