NAGA CITY– Gadan an duwa katao mantang iridu an saro pa makalihis makabangga an sarong motorsiklo sa puon nin mangga sa Sitio Lico 1, Barangay Sto. Domingo, Vinzons, Camarines Norte.
Binisto an mga nagadan na sinda Jerome Miranda asin Wency Palmero mantang iridu man si Benny Miranda.
Sa nakuang impormasyon kan Bombo Radyo Naga, napag-araman na mantang binabagtas kan motorsiklong minamaneho ni Jerome an kalabaan kan tinampo sa lugar kaibanan an duwang backriders kan biglang makabangga sa nasambitan ng puon nin kahoy.
Dead on the spot an duwang biktima mantang tulos man na naidalagan sa ospital si Benny na nagsapo nin mga tama sa manlaen laen na parte kan lawas.
Sa inisyal na imbestigasyon, nagluluwas na marikas an pagpapadalagan sa nasambitan ng lunadan hasta sa dae na ini nakontrol pag-abot sa pakurbang parte kan lugar.
Sa ngunian, nagpapadagos pa an imbestigasyon kan mga otoridad dapit sa pangyayari.
