NAGA CITY– Sa kulungan an bagsak kan apat na drug personalities sa magkakasunod na drug operations kan mga otoridad sa syudad nin Lucena sa laog sana nin 24 oras.
Binisto an mga suspek na sinda Bernardo Rubel Palaganas, Arjay Otilla Zamora, Lawrence Delana, asin Mickael Ace Buligan.
Sa nagunong impormasyon kan Bombo Radyo Naga, napag-araman na nadakop si Palaganas sa pinag-sarong pwersa kan Provincial Drug Enforcement Unit asin PNP Lucena kunsaen nakua digdi an nasa 4.5 gramo kan pigtutubudang shabu.
Sunod na nadakop si Zamora na nakuanan man nin 28 plastic sachet kan pigtutubudang shabu mantang naabutan man kan mga otoridad sinda Delana asin Buligan sa Brgy Dalahican sa parehong syudad asin narekober sa mga ini an 16.93 gramo kan iligal na droga asin sarong caliber 9MM asin mga bala nin badil.
Sa kabilugan, maabot sa pokumas humenos P200k an kantidad kan nakumpiskang droga sa mga suspek. Sa ngunian, nagtitinir na sa kustodiya kan mga otoridad an mga suspek mantang pigpepreparar an kasong isusunad kontra sa mga ini.
