Nadugangan nin kabilogang 42 na mga puwesto an Sangguniang Panlalawigan para sa maabot na National asin Local Elections sa masunod na taon, pagkumpirmar kan Commission on Elections (COMELEC) En Banc.
An nasambitan ng pagdugang an piggibo huli ta an Department of Finance (DOF) an pig-update an income classification kan mga probinsiya na magigin epektibo sa Enero 1, 2025.
Ini an mga lugar na nadugangan nin duwang puwesto para sa Sangguniang Panlalawigan: Abra, Apayao, Ifugao, Kalinga, Mountain Province, Batanes, Quirino, Aurora, Marinduque, Romblon, Catanduanes, Guimaras, Siquijor, Biliran, Southern Leyte, Camiguin, Davao Occidental, Agusan del Norte, Dinagat Islands, Basilan, asin Tawi-Tawi.
An numero kan puwesto para sa Sangguniang Panlalawigan an nakabase sa mga klasipikasyon kan probinsiya sa irarom kan Local Government Code.
Nasa 21 na probinsiya an dinugangan huli sa ginibong pagbabago.
Mientrastanto, an Maguindanao del Norte an mababawasan nin board member seats para sa eleksiyon sa masunod na taon huli sa nagbaba an klasipikasyon kan nasambitan ng lugar.
