NAGA CITY– Irido an nasa 25 pasahero makalihis an nangyaring karambola kan tolong mga pampasaherong bus sa Tagkawayan, Quezon.
Sa impormasyong ipinaabot kan PNP Tagkawayan sa Bombo Radyo Naga, napag araman na nag-overtake suboot an pampasaherong Philtranco bus na minamaneho ni Ricardo
Petallo sa saro pang lunadan mantang binabagtas kaini an kalabaan kan tinampo sa Quirino Highway, Barangay San Francisco.
Hulki digdi, nagsalpok an nasambitan ng lunadan sa kasabatan kaining Philtranco bus na minamaneho ni Virgillio Aurellano, Jr.
Dai na nagibo pang makapreno kan Elavil bus na minamaneho ni Alvin Tatel kaya man nakabangga man inin sa hurihang parte kan Philtranco bus.
Tulos man na idinalagan sa ospital an 25 mga pasahero kabale na an sarong 8-anyos na menor de edad makalihis na magsapo nin lugad sa saindang mga lawas.
Napag araman na pasiring kuta na sa Metro Manila an Philtranco bus na minamaneho ni Aurellano asin an Elavil bus mantang pasiring man sa ciudad kan Naga an saro pang bus.
Sa ngunian, nahahampang sa kasong reckless imprudence resulting to physical injuries and damage to properties an driver na si Petallo huli sa pangyayari.
