NAGA CITY – Nag-ani nin mga positibong reaksyon asin pagbati an tolong estudyante kan Camarines Sur National High School sa Naga City makalihis ipangaran sa mga ini an tolong minor planets.
Enot digdi, tulos na naglakop an anunsiyo kan Department of Education (DepEd) na nakaresibe nin pagbisto an nasambitan ng mga estudyante sa minor planet asin orbital plot.
An nasambitan ng mga estudynate an kinababalehan ninda Eugene Rivera, Joscel Kent Manzanero, asin Keith Russel Cadores na enot nang nagtrayumpo nin major prize para sa “Energy: Physical” category kan 2018 Intel International Science and Engineering Fair (ISEF) para sa saindang disensyo asin development kan Solar-Tracking Arduino-Rooted PV Panels.
Nagin representante man kan Pilipinas an tolo sa international science fair katakod kan saindang enot na nagin trayumpo sa 2018 National Science and Technology Fair (NSTF).
Napag-araman na puon pa 2001, an Massachusetts Institure of Technology (MIT) Lincoln Laboratory an pigpapangaranan na an mga nadidiskobtreng asteriords sa paagi kan mga estudyanteng nagpapahiling nin tibay sa mga science competitions.
