Narekober kan Philippine Coast Guard (PCG) divers an tolo pang lawas gikan sa naglubog na MV Trisha Kerstin 3 sa kadagatan harani sa Baluk-Baluk Island kan nakalihis na aldaw nin Domingo, Pebrero 15, 2026.
Huli digde, nag-abot na sa 57 an numero kan mga binawian nin buhay, mantang 293 an naisalbar asin 22 pa an nawawara.
Sigun sa PCG, an opisyal na numero an gikan sa koordinasyon kan PNP-SOCO, CDRRMO, Coast Guard District Southwestern Mindanao, asin mga pamilya kan biktima.
Mientrastanto, nagsunad na nin kaso an Department of Transportation kontra sa tolong opisyal kan Maritime Industry Authority (MARINA) katakod kan pag-isyu nin safety certificates kan barko.
Posibleng overloading an saro sa mga rason kan trahedya. Pigpepreparar na man an kanselasyon kan Certificate of Public Convenience kan Aleson Shipping Lines, na presenteng suspendido an operasyon mantang nagpapadagos an imbestigasyon.
