(UPDATE) NAGA CITY- Nagpapadagos pa ngonyan an pigkokondusir na follow-up investigation kan Philippine National Police (PNP) katakod kan nangyaring pangbabadil sa tolong mga empleyado kan lokal na gobyerno kan banwaan nin Tinambac, Camarines Sur.
Sa entrevista kan Bombo Radyo Naga ki PC/Insp. Ciriaco Pacer, Jr., hepe kan PNP Tinambac, sinaysay kaini na narekober sa pinangyarihan kan pambabadil sa sitio Tigman, barangay Bagacay an 30 mga basyo kan cal. 45 na badil.
Katakod kaini, nag-request na suboot sinda nin ballistic examination para sa gigibuhon na cross-matching para maaraman kun sarong grupo sana an yaon sa likod sa serye nin mga pambabadil sa saindang banwaan.
Sigon ki Pacer, mayo suboot naresibe na huma sa saindang buhay an mga biktima na sinda Edgardo San Andres, 45-anyos, Elino Teope, 35-anyos asin Nicolas San Agustin III, 24-anyos antes an insidente.
Napag-araman na naka-assign sa GANTAD-Tinambac an nasambitang mga empleyado na haloy naman na nagkokondusir nin checkpoint sa lugar.
Sa ngonyan, nagpaparahay pa sa ospital an nasambitang tolong mga empleyado kan LGU-Tinambac makalihis na magsapo nin lugad sa saidang lawas kan pagbabadilon kan dae pa nabibistong armadong grupo.
