Itinuturing kan World Health Organization (WHO) na saro sa pinakamatinding kaso kan Ebola sa kasaysayan kan Democratic Republic of Congo.
Base sa pagtaya kan WHO, igwang 3,605 na kaso kan Ebola sa nasabing nasyon.
Nagpakol na man sa 1,587 na an nagadan kun sain igwang fatality rate na 44%.
An nasabing outbreak an pinunan sa Bundibugyo strain na sarong klase kan virus.
Enot ining naideklara kan Mayo 15, 2026 asin nalampasan an pinakadakulang outbreak sa pagitan kan 2018 asin 2020 na igwang 3,500 na kaso asin 2,300 an nagadan.
Sa presente an mayo pang naaprubahan na bakuna o bulong para sa Bundibugyo strain alagad magibo na nin bagong bakuna an Singapore asin United Kingdom.
An ebola an nagkukuriyat sa paagi nin contact sa bodily fluids kun sain naggagadan ini nin haros 15,000 katawo sa buong Africa sa laog nin haros 50 taon.
