Nirerespeto kan Malacañang an pagpapaluwas nin warrant of arrest kan Quezon City laban ki Vice President Sara Duterte.
Sigun ki Palace Press Officer Claire Castro, ginagalang kan Palasyo an ano man na desisyon o kasuguan kan korte.
Ipinahayag ini ni Castro matapos na magpaluwas an Quezon City Regional Trial Court Branch 98 nin warrant of arrest sa kaso nin three counts of grave threats.
Nag-ugat an kaso sa pagbabanta ni Vice President Duterte asin igwa na ining nakuang tawo para sa pagpaslang ki President Ferdinand Marcos Jr., First Lady Liza Marcos, asin dating Speaker Martin Romualdez.
An Department of Justice mismo an nagsunad nin kaso na tolong (3) counts of grave threats laban sa Bise President.
Enot na man na humirit an kampo ni Duterte na ibasura an kaso huli sa sinasabing kakulangan nin jurisdiction.
