NAGA CITY – Pig-arestrar kan mga otoridad an limang indibidwal huli sa pagkakaembwelto sa ipinagbabawal na bulong sa banwaan kan Baao, Camarines Sur.
Sa entrevista kan Bombo Radyo Naga ki Pat. Yvon Mollejon, Asst. PCAD kan Baao MPS, na isinagibo kan saindang lado an buybust operation sa Zone 1 Barangay San Francisco sa nasambitan ng banwaan na nagresulta sa pagkakaarestar sa limang suspek.
Kun saen, apat digdi an mga lalake asin sarong babaye, gabos nasa legal na edad.
Sigun sa opisyal, kan pag-abot ninda sa harong na pinaggibuhan kan mga suspek nin iligal na gibuhon, naabotan ninda an nagkuriyat na manlaen-laen na mga drug paraphernalia.
Sa kabilugan, nasa poco mas o menus 4 na gramo an mga nakumpiskar na items.
Sa ngunyan, nasa kustodiya na kan mga otoridad an mga suspek para sa karampatang kapadusahan.
