Padagos na pig-aaram kan National Grid Corporation of the Philippines (NGCP) an danyos na dara kan 6.9 magnitude na linog na nagtama kasubanggi nin banggi, Setyembre 30.
Kun saen apektado an Leyte, Samar asin parte kan Bohol grid makalihis na masuhay sa Cebu-Negros-Panay-Bohol grid.
Inireport kan ahensiya na naraot an Daanbantayan Substation harani sa epicenter kan linog asin apat na 230kV transmission lines man an nagtumbahan.
Limang planta man kan kuryente sa Cebu asin Negros an nagpundo an operasyon, na igwang kabilogang 641MW na load.
Sigun sa NGCP, isasagibo tulos an inspeksiyon asin pagpapakarhay hasta sa magin salbado an lugar, mantang nagpapadagos pa an aftershocks.
Inreport man ninda na matao sinda nin update kada apat na oras hasta dagusang maibweltada an serbisyo.
