Ikinahandal ngunyan kan United Nations AIDS agency an posibilidad na maglangkaw pa an nuermo kan mga nagagadang indibidwal huli sa HIV asin AIDS.
Sigun sa UN agency, basado sa saindang pagtataya, posible na magpakol ini hasta sa labi 6 million na katawo sa laog kan masunod na apat na taon. Ini an kapag dae mabago an desisyon ni US President Donald Trump asin matinir an posisyon kaini na halion an gabos nin mga global funding para sa programa.
Pangenot na apektado kan desisyong ini ni Trump an futuro kan mga treatment programs kan UN AIDS.
Basado sa datos, mapakol sa milyong dolyar an on hold ngunyan sa laog nin 90 days katakod sa direktiba ni US President Trump. An nasambitan ng numero kan mga posibleng magadan huli sa AIDS asin HIV an katampad kan 400% na palangkaw.
Enot nang sinaysay kan Trump administration na saindang pigsasairarom sa masusing review an gabos kan saindang mga foreign-aid programs sa irarom kan “America First” policy na ipinapautob kaini.
