Na-detect an nasa 6 na Chinese balloons harani sa Taiwan kan aldaw nin Biyernes, Pebrero 7.
Ini an sa tahaw kan padagos na military pressure kan Beijing sa nasambitan ng isla na inaangkin kaining parte kan saindang teritoryo.
Sigun sa Taiwanese Defense ministry, nanutaran an nasa 6 na Chinese balloons sa laog nin 24 oras hasta alas-6 nin pagkaaga, oras sa Taiwan. Apwera digdi, na-detect man an nasa 9 na Chinese military aircraft, 6 na warships asin 2 official ships kan China sa parehong period harani sa Taiwan.
Alagad maski regular ng nanunutaran an nasambitan ng mga Chinese balloon sa mga katubigan harani sa Taiwan, an panibagong kumpulan kan Chinese balloons an saro sa pinakadakol na nairehistro.
Sigun sa dae na pinangaranan na US official, an naumbitn ng balloon an igwa nin kakayahang magkalap nin electronic intelligence gikan sa military sites kun saen ini pinapalupad asin trina-transmit kaini an datos pabalik sa China.
Alagad, nilinaw man kan Chinese Foreign Ministry na an nasambitan ng balloon an pangenot na ginagamit para sa meteorological purposes asin igwa nin limitadong self-steering ability o sadiring kakayahan na kontrolon an direksiyong tatahakon kaini.
