Nagsunad nin kaso an Bangko Sentral ng Pilipinas (BSP) kontra sa 6 na pig-arestar na indibidwal huli sa kusang pagraot kan Philippine coins o mga barya.
Sa sarong pahayag, sinaysay kan central bank na nag-ugat an pag-aresto sa nasambitan ng mga indibidwal gikan sa suway na entrapment operations na ikinasa kan Payments and Currency Investigation Group asin PNP Criminal Investigation and Detection Group sa Siquijor asin Boracay, Aklan. Pigsunad an mga kaso sa Siquijor asin Aklan Provincial Prosecutor’s Offices.
Saro sa mga pig-kasuhan an napag-araman komo Jess makalihis mag-viral an saiyang video na pagraot sa P10 barya asin ginibong singsing, siringman pig-aresto an sarong indibidwal sa Boracay sa parehong pagbalgar.
Sa irarom kaya kan Presidential Decree No. 247, ipinagbabawal an tuyong pagraot, pagpuk-it, pagsusulo kan mga kwartang papel asin barya kan Pilipinas. Kun napatotoohan na guilty, an mga suspek an posibleng makulong nin hasta limang taon asin multang mapakol sa P20,000.
Kaya pinagirumdoman kan BSP an publiko na gamiton an gabos nin banknotes asin barya kan Pilipinas nang may kaukulang pagrespeto asin dignidad, asin proteheran an integridad kan mga ini komo parte kan mayamang kultura asin pamana kan nasyon.
