NAGA CITY – Pigheras kan presidente kan EASTODA, na an ibang mga tricycle drivers sa siyudad nin Naga an dae mapasada ngunyan na aldaw o ngunyan na Biyernes Santo.
Sa entrevista kan Bombo Radyo Naga ki Romeo Briones Jr, President kan EASTODA, sinaysay kaini na nasa 70% kan mga tricycle driver an dae mapasada ngunyan na Biyernes Santo komo pakikisumaro paman sa pag-obserbar kan Holy week.
Mientrastanto, sa presente soboot nagin marhay man an saindang pasada nin huli ta kadakol an nagpuruli gikan Metro Manila. Kun ikukumparar man soboot kan nakalihis na taon, mas dakol an kita ninda ngunyan na Semana Santa.
Sa ibong na lado, pigpagirumdom man kaini sa kapwa kaini mga tricycle drivers an pagbabalon nin tubig orog na ngunyan na naeeksperyensiyahan an labing init kan panahon.
Siringman, ugalion an magpahingalo maski pirang minuto tanganing magin salbado an salud ngunyan na tag-init.
Dugang pa digdi, an paglikay sa pananaga nin labi-labing pamasahe sa mga pasahero orog na ta igwang pigpapautob na ordinansa an lokal na gobierno kan nasambitan ng siyudad.
