Pig-eenkaminar ni Interior and Local Government Secretary Benhur Abalos an gabos kan local government sa bilog na nasyon na magbugtak nin local 911 call center komo preparasyon sa huma kan La Niña sa mga masunod na bulan.
Sigun ki Abalos, naglunsar an DILG nin emergency response system gamit an makabagong teknolohiya gikan sa US 911 system tanganing maparekas an pagsimbag sa mga emergency sa nasyon.
Dugang pa kan opisyal, ngunyan na paaabuton na an La Niña, kaipuhan na nakapreparar an gabos na LGU tanganing tolos na maayudahan an saindang mga constituents.
Alagad, pigtawan duon man ni Abalos na tanganing magin epektibo an 911 system, dapat magtabang an gabos na siyudad sa pag-set up nin sadiri kaining local emergency call center, siring kan decentralized system sa US.
