No. 7 MWP nakakulong na sa Camarines Sur

NAGA CITY– Nakakarsel na an number seven most wanted person kan banwaan nin Pili, Camarines Sur.

Naarestar sa paagi kan mandamiento de aresto an suspek na si Michael Angelo Dayao, 20-anyos sa Barangay Cararayan, syudad nin Naga.

Ibinababa ni Hon. Hon. Judge Vivencio Gregorio Atutubo III, Presiding Judge kan Regional Trial Court Branch 31-Pili an nasambitan na mandamiento de aresto kontra ki Dayao para sa kasong pagbalgar sa Anti-Carnapping Act of 1972.

Nakakabit sa kaso ni Dayao an rekomendadong piyansa na P200,000 para sa saiyang paramientras na libertad.

Sa presente, nasa kustodiya na ini kan Pili-PNP tangani na atubangon an nasambitan na kaso.