Padre de pamilya irido makalihis matamaan nin ligaw na bala sa Quezon

NAGA CITY– Irido an sarong padre de pamilya makalihis matamaan nin ligaw na bala sa Brgy. Villahermosa, Lopez, Quezon.

Binisto an biktima na si Emmanuel Ranido.

Sa nagunong impormasyon kan Bombo Radyo Naga napag araman na papuli na sa saidang harong si Ranido lunad kan saiyang tricycle kan bigla ining makadangog nin makusog na putok asin dai naghaloy naamati na sana kaining makulog an saiyang tabay asin nahiling na sana niya nagdudugo na ini.

Tulos na idinalagan sa ospital an biktima tanganing ipabulong.

Sa ngunian, nagpapadagos pa an imbestigasyon kan mga otoridad sa pangyayare.