NAGA CITY– Arestado an 12 drug personality makalihis an kinundusir na anti- illegal drug operation kan mga otoridad sa Sitio Silangan, Brgy. Lagalag, Tiaong, Quezon.
Sa nagunong impormasyon kan Bombo Radyo Naga napag araman na nagkundusir nin operasyon kontra ilegal na droga an mga otoridad sa nasambitan ng lugar kun sain nadakop na nagpapabakal nin pinapangalad na bulong an suspek na si Allan Obal, 41 anyos mantang nadakop man sa aktong naggagamit nin ilegal na droga an 11 iba pa.
Huli digdi, tulos na dinakop kan mga otoridad an mga suspek.
Nakumpiskar sa mga ini an anom na sachet kan pigtutubudang shabu na nagkakantidad P720.00 asin mga drug paraphernalia.
Sa ngunian, nagtitinir na sa kustudiya kan mga otoridad an mga suspek mantang pinepreparar na an kasong pagbalgar sa RA 9165 o an Comprehensive Dangeros Drug Act of 2002 na na isusnad kontra sa mga ini.
