10-anyos na aking lalaki, nalamos sa salog sa Lucena City

NAGA CITY- Saro ng malipot na bangkay kan maihawas sa tubig an lawas nin sarong menor de edad na lalaki makalihis na malamos sa salog sa Barangay Ilayang Iyam, ciudad nin Lucena.

Binisto an biktimang si John Rain Tan, 10-anyos.

Sa nakuang impormasyon kan Bombo Radyo Naga hale sa Quezon Police Provincial Office, napag-araman na nagkakawat si Tan harani sa Iyam River kaibanan an duwang amigo kaini kan aksidenteng mahalnas sa salog na naging rason sa saiyang pagkalamos.

Tulos man na dinara sa punerarya an bangkay kan biktima para sa maninigong eksaminasyon.