NAGA CITY– Rata sa kamot kan mga otoridad an limang suspek na imbwelto sa ilegal na nagpuputol nin puon nin kahoy sa Zone 4, Bgy Tinawagan, Tigaon, Camarines Sur.
Sa nagunong impormasyon kan Bombo Radyo Naga napag araman na nadakop sa aktong ilegal na nagpuputol nin kahoy sinda Ferdinand Perez, 39 anyos, Niño Perez, 27 anyos,
Marlon Perez, 36 anyos asin Ariel Cleofe, 42 anyos mantang nagpurbar man magdulag an operator kan chain saw na si Romnick Cleofe alagfad tulos man ining nadakop kan mga
otoridad.
Nakumpiskar sa mga suspek an mga pinutol na kahoy asin sarong Power Chain saw.
Sa ngunian, nagtitinir na sa kustudiya kan mga otoridad an suspek mantang pinepreparar na an kasong pagbalgar sa PD 705 o an Forestry Reform Code of the Philippines na isusunad kontra sa mga ini.
