Padre de pamliya irido makalihis pagtatagaon sa Tayabas City

NAGA CITY– Irido an sarong padre de pamliya makalihis pagtatagaon kan suspek sa Brgy Ipilan, Tayabas City.

Binisto an biktima na si Anthony Guibao, 31, anyos.

Sa nagunong impormasyon kan Bombo Radyo Naga napag araman na nasa luwas kan saindan harong si Guibao kan bigla na sana ining pinagtataga kan suspek na si Gerardo Linga, 37 anyos.

Huli digdi, nagsapo nin lugad sa manlaenlaeng parte kan saiyang lawas an biktima na tulos idinalagan sa ospital.

Meintrastanto, tulos man naarestar kan mga otoridad an suspek asin presenteng nasa kustudiya kan mga otoridad para sa maninigong disposisyon.