NAGA CITY– Irido an sarong maintenance kan Department of Public Works and Highways (DPWH) makalihis pagtarabangan bugbugon asin pagtatagaon kan saro sa mga suspetsado sa Purok 10, Barangay Alawihao, Daet, Camarines Norte.
Binisto an biktima na si Arvin Manumbas, 20 anyos maintenance kan DPWH.
Sa nagunong impormasyon kan Bombo Radyo Naga napag araman na pigturuwangang bugbugon kan mga suspek na sinda Anthony Gosmo alias “Pandoy”; Jason Liberio; Jedan Liberio alias “Badag”; Renante Llaneta; Jessie Salgo; Dennis Abordo; asin Alfonso alias “Puto” an biktima asin makalihis kaini, pinagsasaksak pa ini ni Jedan.
Huli digdi, nagsapo nin lugaqd sa manlaenlaeng parte kan saiyang lawas an biktima na tulos idinalagan sa ospital.
Makalihis an insidente, tulos man nagdulag an mga suspek dara an sundang na ginamit sa nsamabitan ng pananaga.
Sa ngunian, nagpapadagos pa man an imbestigasyon kan mga otoridad sa nasambitan ng pangyayari mantang pinepreparar na man an kasong isusunad kontra sa mga nagdulag na suspek.
