Babae gadan makalihis maaksidente sa nakalaylay na kable nin kuryente kan QUEZELCO 1 sa Quezon

NAGA CITY– Gadan an sarong babae makalihis makuryente sa Brgy San Jose Macalelon, Quezon.

Binisto an biktima na si Elaine Rose Llames, 23 anyos.

Sa nagunong impormasyon kan Bombo Radyo Naga napag araman na papuli an sa saindang harong sinda Llames asin an agom kaini na parehong lunad nin kabayo kan aksidente ining makasabit sa nakalaylay na kable nin kuryente kan QUEZELCO 1 sa lugar na nagin rason kan pagkakakuryente ni Llames.

Huli digdi, tulos idinalagan sa ospital an biktima alagad ideneklara ining dead on arrival kan mga doktor.

Sa ngunian, nagpapadagos pa man an imbestgasyon kan mga otoridad sa nasambitan ng insidente.