NAGA CITY – Tatawan sana ni Presidente Rodrigo Duterte nin hasta sa katapusan kan taong 2017 an mga drivers asin operators nin pampasaherong jeep para mag-utob sa sumunod sa modernization program kan gobyerno.
Ini an tinawan doon ni presidente Duterte sa pag-atendir kaini sa Federalism Summit na ginibo sa Pili, Camarines Sur.
Sigon sa presidente, poon Enero 1, 2018, ipapaarestar na niya an mga drayber na papasada gamit an mga lumang pampasaherong jeep na mayong rehistro.
Mayo suboot siyang pakiaram kun magtios asin magutom an mga drayber na dae masunod sa PUV modernization program huli sa kamawotan sana kaini na masierto an seguridad kan mga Pinoy.
Enot kaini, tinawan doon ni Presidente Duterte na kadaklan sa mga nagbabyaheng jeep sa nasyon, an mga luma na an nagiging rason sa mga aksidente.
Mientrastanto, pig-agyat man kan presidente an transport group asin mga progresibong grupo na maggibo nin sarong bulan na hiro protesta para maipaabot an saindang pagkontra sa nasambitang programa kan gobyerno.
