NAGA CITY– Irido an sarong lalaki makalihis pagtatagaon kan saiyang nakainuman sa Brgy. Fundado, Siruma, Camarines Sur.
Bnisto an biktima na si Reynon Tortoles.
Sa nagunong impormasyon kan Bombo Radyo Naga napag araman na nag-iinuman sana sinda Tortoles asin an suspek na si Crisanto Cabrera, 27 anyos sa harong ni Manny Gusic kan bigla ining magkadisjusyunan na napuli sa pananaga.
Tulos na kinua kan bktima an saiyang sundang asin nagpasiring sa harong ni Cabrera kun sain pinagtataga kaini an pinto kan harong kan suspek na naging rason man tanganing pagtatagaon kaini pabalik an biktima.
Huli digdi, nagsapo nin lugad sa manlaenlaeng parte kan saiyang lawas an biktima na tulos idinalagan sa ospital.
Sa ngunian, nasa kustudiya na kan mga otoridad an suspek na boluntaryong nagsuko sa mga ini.
Meintrastanto, nagpapadagos pa man an imbestigasyon kan mga otoridad sa nasambitan ng pangyayari.
