NAGA CITY- Makakaresibe suboot nin awards asin recognition an mga soldados hale sa 1st Infantry Battalion na nakabwelta na hale sa pakikipagbakbakan sa Marawi City sa saindang headquarters sa 2nd Infantry Division, Philippine Army sa Camp Gen. Mateo, Capinpin, Tanay, Rizal.
Sa entrevista kan Bombo Radyo Naga ki Maj. Filven Noche, tagapagtaram kan Southern Luzon Command (SolCom), posibleng makaresibe suboot nin combat awards, incentives asin iba pang benepisyo na hale sa Office of the President huli sa pakikipaglaban sa haros limang bulan na krisis sa Marawi.
Enot digdi, nakaresibe naman an nasambitang mga soldados kan pagbisto sa pagbwelta ninda hale sa giyera.
Apwera sa nasambitang pagbisto, tatawan man nin 10 hasta sa 15 aldaw na bakasyon an poko mas umenos 500 na mga soldados hale sa 1IB.
Napag-araman na kabale an tropa kan 1IB sa enot na batch kan mga soldados na nakabwelta hale sa Marawi City.
Dating naka-assign an nasambitang batalyon sa parte kan Infanta, Quezon antes na naipadara sa Mindanao.
