Lolo, irido makalihis mabanggaan nin motorsiklo sa Camarines Sur

NAGA CITY– Nagpaparahay ngunian an sarong lolo makalihis mabudalan nin motorsiklo sa kalabaan kan tinampo sa Zone 4, Caroyroyan, Pili, Camarines Sur.

Binisto an biktima na si Antonio Ricafort, 75 anyos.

Sa nagunong impormasyon kan Bombo Radyo Naga napag araman na papabalyo sana sa nasambitan ng tinampo an biktima kan mabudalan ini kan papaabutong motorsiklo na minamaneho ni Sigfredo Bagacina, 39 anyos.

Huli digdi, nagsapo nin lugad sa manlaenlaeng parte kan saiyang lawas an biktima na tulos idinalagan sa ospital.

Sa ngunian, nagpapadagos pa an imbestigasyon kan mga otoridad manungod sa nasambitan ng insidente.