Suspek sa pananaga sa Quezon, susunadan na nin kaso

NAGA CITY– Mahahampang sa kasong Frustrated Murder an suspek sa pananaga sa sarong lolo sa Brgy Biyan, Calauag, Quezon.

Binisto an suspek na si Joselito Miranda, 36 anyos.

Sa nagunong impormasyon kan Bombo Radyo Naga napag araman na nag-iinuman sana sinda Miranda asin an biktima na si Raul Trasmonte, 60 anyos kan magkaigwa ini nin dai pagkakaintindihan na napuli sa pananaga kan suspek sa biktima.

Huli digdi, nagsapo nin lugad sa manlaenlaeng parte kan saiyang lawas an biktima na tulos idinalagan sa ospital.

Sa ngunian, nagpapadagos pa an imbestigasyon kan mga otoridad sa pangyayari.