NAGA CITY– Labi kabangang milyon an kantidad kan nakumpiskar na mga produkto kan mga tauhan kan National Bureau of Investigastion (NBI)-Naga sa ginibong raid sa sarong pagibuhan nin pansit sa banwaan nin Lupi, Camarines Sur.
Sa entreviasta kan Bombo Radyo Naga ki Rogel Intia, Special Investigative Agent kan NBI- Naga, sinaysay kaining nagsirbi sinda nin Search Warrant kontra sa nasambitan ng pabrika n sain napag araman na mayong mga legal na dokumento an may-kagsadiri kaini.
Sigon ki Intia, pineke man suboot an mga content asin label kan mga pansit kun sain inarog sana suboot ini sa orihinal na produkto.
Katakod kaini, tulos na kinumpiskar kan mga otoridad an nasambitan ng mga produkto na maabot sa labi P700,000 an kantidad.
Sa ngunian, nagpapadagos pa man an imbestigasyon kan mga otoridad mantang pinepreparar na an kasong isusunad kontra sa may-kagsadiri kan nasambitan ng pabrika.
