NAGA CITY– Nagpaparahay ngunian an sarong menor de edad makalihis mabangga nin sarong motorsiklo sa kalabaan kan Maharlika Highway sa Purok 10, Barangay Poblacion, Santa Elena, Camarines Norte.
Sa nagunong impormasyon kan Bombo Radyo Naga napag araman na binabagtas ni Danilo Sañez, 25 anyos lunad nin motorsiklo an kalabaan kan nasambitan ng tinampo kan biglang magdalagan papabalyo sa tinampo an menor de edad rason tanganing aksidente ining mabangga ni Sañez.
Nagsapo nin lugad sa manlaenlaeng parte kan saiyang lawas an biktima na tulos idinalagan sa ospital tanganing ipabulong.
Sa ngunian, nasa kustudiya na kan mga otoridad an suspek na si Sañez asin an motorsiklo kaini para sa maninigong disposisyon.
Advertisement
Advertisement
