NAGA CITY- Irido an walong persona kabale na an menor de edad makalihis na magsalpukan an sarong van asin pampasaherong bus sa Lupi, Camarines Sur.
Sa entrevista kan Bombo Radyo Naga ki PO3 Carlito Navarroza hale sa PNP Lupi, sinaysay kaini na nag-overtake sa sarong bihikulo an pampasaherong Belleza bus na minamaneho ni Jose Guiriba, 55-anyos sa parte kan barangay Cabutagan.
Nagsalpok suboot an bus sa kasabatan kaining van na minamaneho man ni Carlos Tabera, 63-anyos.
Huli sa kusog kan nangyaring banggaan, nagsapo nin lugad sa saiyang lawas an walong lunad kan van kabale na an sarong 17-anyos asin 7-anyos na mga menor de edad.
Napag-araman na hale sa Metro Manila an nasambitang van asin pasiring kuta na sa ciudad nin Naga kan mangyari an aksidente.
Sigon ki Navarroza, madiklom an lugar kun saen nangyari an aksidente huli sa kawaran nin street lights.
Nag-abiso man an PNP sa mga drivers na magdoble ingat para makalikay sa anumang aksidente sa tinampo.
Sigon ki Navarroza, nagkaareglo na an duwang lado katakod kan pangyayari.
