NAGA CITY- Limang mga Bicolano an nakalaog sa Top 10 kan katatapos pa sanang Licensure Examination for Teachers (LET) ngonyan na taon.
Basado sa resulta kan September 2017 Licensure Examination for Teachers (LET) laog sa top 10 para sa Bachelor of Science in Elementary Education si Richard Clavillas hale sa Camarines Sur Politechnic Colleges (CSPC) Nabua na nagtapos sa rank number 3 asin igwa nin 88%.
Rank number 9 man si Vince Marie Leona Hibo hale sa Bicol University (BU) Daraga Campus na igwa nin 86.60% mantang rank number 10 man si Marischelle Callora hale sa Naga College Foundation (NCF) na igwa nin 86.40%.
Mientrastanto, laog man sa top 10 para sa Bachelor of Science in Secondary Education si Aileen Carillo hale sa Bicol State College of Applied Sciences and Technology (BISCAST) na nakakua nin rank number 5 asin igwa nin 92% mantang rank number 9 man si Sherene Frances Basilio kan Bicol College na igwa nin 91.20%.
Kabale man sa Top Performing Schools sa nasambitang eksaminasyon ngonyan na taon an Ateneo de Naga University (ADNU) na igwa nin 81.67%.
