Burat na lalaki, nahulog asin nalamos sa salog sa Quezon

NAGA CITY- Nadukayan kan mga otoridad an nagpapataw pataw na lawas nin lalaki sa sarong salog sa Gumaca, Quezon.

Binisto an nasambitang lalaki na si Jessie Villar, 35-anyos.

Nadukayan suboot an nagpapataw pataw na lawas ni Villar sa Pipisik River sa barangay Peñafrancia.

Huri suboot na nahiling an biktima mantang burat ini asin papuli kuta na sa saindang harong.

Pigtutubudang nahalnas si Villar asin nahulog ini sa salog na nagresulta sa saiyang pagkalamos.

Basado man sa inisyal na imbestigasyon kan mga pulis, nagluluwas na mayong foul play na nangyari sa insidente.