NAGA CITY- Haros P800 milyon suboot an nakatagamang pondo para sa planong Camarines Sur Express Way ngonyang taong 2018.
Ini an kinumpirmar ni Cong. Karlo Alexei Nograles, chairman kan House Committee on Appropriation sa saiyang pagbisita sa probinsya nin Camarines Sur.
Sigon ki Nograles, kabale sa saindang tinawan nin pondo para ngonyan taon an nasambitang proyekto kaya nilalaoman man na mapapapunan na an patrabaho digdi sa mas marikas na panahon.
Dugang pa kan opisyal, sa tabang suboot kan proyekto, mas magiging magayon asin komportable na an byahe kan mga pasahero pasiring sa Bicol asin Metro Manila.
Mientrastanto, sigon ki Camarines Sur second district Rep. LRay Villafuerte, plano suboot na sa laog nin sarong taon matatapos an nasambitang proyekto.
