NAGA CITY-Pig-aandam na ngonyan an kasong isasangat laban sa sarong padre de pamilya na pauru-utrong nanlugos sa saiyang sadiring aki sa laog nin limang taon sa sa San Narciso, Quezon.
Sa nakuang impormasyon kan Bombo Radyo Naga, napag-araman na nagpasiring suboot sa hepatura kan PNP an 15-anyos na biktima kaibanan an saiyang lola para ireklamo an saiyang sadiring ama huli sa panlulugos kaini sa saiya na nagpuon pa subot kan taong 2013.
Basado sa pahayag kan biktima, nangyayari suboot an pang-aabuso sa saiya tuyong mayo sa saindang harong an saiyang duwang tugang o kaya kun nagtuturog na sinda.
Tinatakot asin kinukulgan pa suboot kan suspek an daragita kun nagsasayuma ining makipagdurog asin pighumaan na gagadanon sa oras na magsumbong ini sa mga pulis.
Sa ngonyan, nagpapadagos pa an pigkokondusir na imbestigasyon kan mga otoridad katakod kan pangyayari.
