NAGA CITY- Inarestar kan mga otoridad an sarong babae na nagpabistong asset suboot kan Philippine Drug Enforcement Agency (PDEA) makalihis na makuanan nin iligal na droga sa pigkondusir na anti-illegal drugs operation kan pulisya sa banwaan nin Minalabac, Camarines Sur.
Sa entrevista kan Bombo Radyo Naga ki SPO1 Albert Tormes, hale sa PNP Minalabac, pigserbe an mandamiento de rekisa sa pigdadagusan na harong kan suspek na si Marina Pascua, 44-anyos sa barangay Antipolo kan nasambitang banwaan.
Digdi suboot nakumpiskar an duwang sachet na naglalaog nin pigtutubudang shabu asing sarong cal. 38 na badil.
Haloy na suboot na minamanmanan kan PNP an suspek asin digdi ninda nakumpirmar na imbwelto ini sa iligal na transaksyon nin droga.
Mientrastanto, sigon ki Tormes, mayo soboot sa record kan PDEA na makakapagpatotoo na asset talaga kan mga ini si Pascua sa Laguna.
Nagtutubod man an opisyal na posibleng naggibo sana nin istorya si Pascua para matahuban an saiyang iligal na transaksyon.
