16 irido makalihis magtagilid asin mahulog an sarong jeep sa Quezon

NAGA CITY- Irido an 16 persona na lunad nin sarong pampasaherong jeep kan aksidente ining magtagilid sa parte kan banwaan nin Atimonan, Quezon.

Sa entrevista kan Bombo Radyo Naga ki SPO3 Joseph Ramirez, kan Atimonan-PNP, nagputok suboot an rida kan nasambitang jeep kun kaya nawaran ini nin kontrol sa behikulo hasta sa nagtagilid ini asin dagos na nahulog sa gilid kan tinampo.

Huli digdi, nagsapo nin lugad sa saindang lawas an 15 pasahero kabale na an driver kan jeep na si Nicanor Ballesteros na tulos man na naidalagan sa ospital.

Pigklaro man ni Ramirez na bakong marikas an pagpapadalagan kan nasambitang behikulo.

Sa ngunyan, nagpapadagos pa ang imbestigasyon kan mga otoridad mantang nagpaparahay pa an nagkapira sa mga biktima.