NAGA CITY- Maswerteng nakasalbar sa kagadanan an mga pasaehro kan nagtaob na kotse sa kalabaan kan tinampo sa Sitio Galoocan, Malancao, Basud, Labo Camarines Norte.
Sa entrevista kan Bombo Radyo Naga ki PO2 Alvin Sueno, kan Labo PNP, sinaysay kaini na mantang pigbabagtas kan nasambitang kotse lunad an walong persona an kalabaan kan tinampo sa lugar kan mawaran nin kontrol an driver kan bihikulo pag-abot sa pakurbang parte kan lugar.
Huli digdi, nagsapo nin sadit na lugad sa saindang lawas an driver na tulos man na pigdalagan sa ospital mantang gasgas man an pigsapo kan mga pasahero kaini.
Pigklaro ni Sueno na dae gayong marikas an pagdalagan kan nasambiutang bihikulo.
Mientrastanto, saro man sa pighihiling na rason sa nasambitang pangyayari an paninibago kan driver sa lugar.
Sa ngonyan, nagpapadagos pa nanggad an imbestigasyon kan mga otoridad manungod sa nasambitang insidente.
