NAGA CITY- Nagpaparahay pa sa ospital an 23 persona makalihis na magsapo nin lugad sa saindang lawas kan maaksidente an nilulunadan kaining pampasaherong multicab sa
banwaan nin Balatan, Camarines Sur.
Sa nakuang impormasyon kan Bombo Radyo Naga, napag-araman na binabagtas kan pampasaherong multicab na minamaneho ni Felix Ballecer Jr. an kalabaan kan tinampo sa barangay Laganac sa nasambitang banwaan kan bigla na sana suboot ining mawaran nin kontrol sa bihikulo.
Huli digdi, nagdire-diretso an multicab sa kale antes na dagos na makabangga sa riprap sa nasambitang lugar.
Nagsapo man nin mga menor na lugad sa saindang lawas an 22 na mga pasahero kan multicab asin an driver na si Ballecer na tulos man na naidalagan sa ospital para maipabulong.
Sa ngonyan, nagpapadagos pa an ginigibong imbestigasyon kan PNP Balatan katakod kan pangyayari.
