NAGA CITY-Gadan an apat na magkakaparyentes kabale na an tolong mga menor de edad makalihis na malamos sa parte kan Bicol river sa Barangay Sigamot, Libmanan, Camarines Sur subagong aga.
Sa entrevista kan Bombo Radyo Naga ki P/Supt Errol Garchitorena, hepe kan PNP Libmanan, sinaysay kaini na nagpasiring suboot sa salog an mga biktima na sinda Arnel Sibuc, 40-anyos asin an saiyang esposa para maglaba kuta kaibanan an saindang mga aki na sinda Dyne, 14-anyos; Aljon, 10-anyos asin an 7-anyos na pamangkin nindang si Danica Flores pasado alas-9:50 subagong aga.
Mantang naglalaba an mag-agom, nagkarigos man suboot an magpipinsan alagad narisa na sana kan ina na nadadara na kan makusog na solog an tolong menor de edad kaya tulos man na nagdalagan an saiyang agom para i-hawas an mga ini.
Alagad, magin an gurang na Sibuc, natangay man suboot kan makusog na solog kan tubig na naging dalan para bawian nin buhay an apat na mga biktima.
