NAGA CITY- Irido an walong mga magkakaparyentes kabale na an limang mga menor de edad makalihis na maimbwelto sa aksidente an saindang lunadan na nangyari sa banwaan nin Libmanan, Camarines Sur.
Sa nakuang impormasyon kan Bombo Radyo Naga, napag-araman na binabagtas kan puting Mitsubishi Wagon na minamaneho ni Raul Valencia, 47-anyos an kalabaan kan tinampo sa barangay Mambulo Nuevo pasiring kuta na sa banwaan nin Bula hale sa Abucay, Bataan kan aksidenteng mapaagi an bihikulo sa nakatambak na mga daga sa gilid kan tinampo na nagresulta sa pagtagilid kaini.
Nagsapo nin lugad sa saindang lawas an driver kan bihikulo siring man an mga pasahero kaini na sinda Amelia Valencia, 46-anyos; Annaliza Bermudez, 35-anyos; asin an limang pang mga mga menor de edad.
Tulos man na naidalagan kan mga kabuhan kan Municipal Disaster Risk Reduction and Management Office (MDRRMO) Libmanan an mga biktima sa ospital para maipabulong.
