NAGA CITY- Nagkapirang oras na na-stranded an mga motorista sa boundary kan Caramoan asin Garchitorena, Camarines Sur huli naman sa nagpapadagos suboot na proyekto digdi kan Department of Public Works and Highways (DPWH).
Sa entrevista kan Bombo Radyo Naga ki PS/Insp. Bienvenido Enciso, hepe kan PNP Caramoan, sinaysay kaini na poon pa kan aldaw nin Sabado kan magpuon na maggabat an bulos nin trapiko sa lugar partikularmente na sa Sitio San Francisco huli sa on-going project digdi kan DPWH kun saen pigbaklas suboot kan mga ini an semento na nagresulta sa paglumoy kan daga na nagin laboy makalihis na magbulos an uran kaya man nagin mahalnas an tinampo digdi.
Sigon ki Enciso, nagtitinir na passable para sa mga bihikulo an nasambitang lugar alagad pasakitan an pagbyahe paluwas sa banwaan nin Caramoan urog pa ta patukad an tinampo digdi.
Pigsierto man kan opisyal na nakipag-koordinar na sinda sa Philippine Army para matawan nin seguridad an mga motorista na na-stranded sa lugar.
Patanid man ni Enciso sa gabos na mga mapasiring sa Caramoan na magdoble ingat urog na kun maagi sa boundary kan Caramoan asin Garchitorena.
