NAGA CITY- Gadan an mismong Municipal Executive Senior Officer (MESPO) kan Philippine National Police (PNP) sa banwaan nin Pili, Camarines Sur makalihis ining aksidenteng
makuryente mantang nagkukua ini nin mangga.
Sa entrevista kan Bombo Radyo Naga ki PO1 Judit Cubelo, tagapagtaram kan PNP Pili, sinaysay kaini na nagsakat suboot sa poon nin mangga na yaon sa saindang natad sa barangay
San Jose an biktima na si SPO4 Edwin Jordan, 49-anyos para magkua nin mangga makalihis an pagbulos nin makusog na uran suodma.
Nahulog suboot sa poon nin mangga ang biktima matapos na aksidenteng nakadukot an ginagamit kaining aluminom pole sa raot na kable nin kuryente asin nagtama pa an payo kaini sa daga.
Tulos man na pigdalagan sa ospital an biktima alagad pigbawian man ini nin buhay mantang pigbubulong kan mga doktor.
Sigon ki Cubelo, labi na sa 20 taon suboot na yaon sa serbisyo si Jordan asin pitong taon na sana nakatalaan na kuta ining magretiro.
Labi man suboot an kamunduan na namamatean kan mga kabuhan kan PNP Pili urog pa ta bistado an biktima komo sarong maboot na katrabaho asin ini suboot an saro sa mga nagtatao nin kaugmahan sa saindang hepatura.
Nakaandam naman an PNP na magtao nin anuman na tabang asin asistensya sa nabayaan na pamilya kan nasambitang opisyal.
