NAGA CITY– Ikinadismaya kan Condor-Piston Bicol an dae pagbale kan haros nasa 70% sa mga transport groups sa syudad nin Naga asin probinsya nin Camarines Sur sa regionwide transport strike ngunian na aldaw.
Sa entrevista kan Bombo Radyo Naga ki Joel Peliogo, coordinator kan Condor-Piston Bicol, sinaysay kaini na ikinamundo ninda an dae pakikisumaro kan mayorya sa transport sectors sa saindang pangapudan sa gobyerno na amyendaran an Tax Reform for Acceleration and Inclusion o TRAIN law.
Mawot sana soboot nindang mapugulan an padagos na paglangkaw kan presyo kan mga produktong petrolyo asin mga barakalon.
Sa ibong kaini, tinawan duon ni Peliogo na posibleng magdagos-dagos an gigibuhon nindang mga mahewasang untok pasada kung dae dadangugon kan gobyerno an saindang agrangay.
Kung marurumduman, sa ibong kan nasambitan ng transport strike, dagos pa man giraray an trabaho asin klase sa syudad nin Naga makalihis magsayumang magsabay an kadaklan sa mga transport sectors sa untok-pasada.
