NAGA CITY- Nakatalaan na magkondusir nin re-enactment an kapulisan sa lugar na pinangyarihan kan panggagadan ki Tanauan, Batangas Mayor Antonio Halili.
Ini an kinumpirmar ni PSupt. Chitadel Gaoiran, tagapagtaram kan Police Regional Office 4A sa nagin entrevista kan Bombo Radyo Naga.
Sigon ki Gaoiran, dawa mayo pang eksaktong petsa sa gigibuhong re-enactment alagad pinag-aandaman na suboot ini kan mga otoridad.
Sa ngonyan, kinakaipuhan nguna suboot na matipon an gabos na mga datos asin ebidensya na makakatabang sa nasambitang operasyon.
Dugang pa ni Gaoiran, bulod na parte na kan lugar na gilid sana kan pinangyarihan kan krimen mantang harani na suboot ini sa kamposanto kun saen digdi pigtutubudang nagpwesto an gunman.
Mientrastanto, sa ngonyan, sigon ki Gaoiran, pano pa nanggad nin kamunduan an bilog na ciudad makalihis an nasambitang panggagadan sa saindang alkalde.
