NAGA CITY- Kinumpirmar ngunian ni dating PNP chief asin presenteng Bureau of Corrections Director General Ronald “Bato” dela Rosa an intensyon kaining magdalagan sa pagkasenador sa 2019 mid-term elections.
Sa paghampang ni Dela Rosa sa mga kagawad kan media sa ciudad nin Naga, sinaysay kaini na hinahalat pa sana kaini an final instruction gikan ki Presidnete Rodrigo Duterte kun sain na posisyon siya madalagan.
Sigon pa ki Dela Rosa, kinaulay suboot siya kan presidente na magdalagan sa pagkasenador huli na man sa pagkakalaog niya sa “magic 12” basado sa resulta kan Pulse Asia Survey.
Alagad kan huri suboot nindang pag-olay kan presidente, nagbago an isip kaini asin kinaulay liwat siyang mas magayon na magdalagan na sana ini sa pagka-gobernador sa Davao Del Sur tanganing matabangan kaini an saindang probinsya.
