NAGA CITY- Nangenot an Singapore sa walong mga nasyon na naglaban-laban sa katatapos pa sanang 24th Southeast Asian junior and Cadet Table Tennis Championship na ginibo sa ciudad nin Naga.
Nagtapos sa 11 bulawan, duwang silver asin sampulong bronze medals an Singapore, nagsunod digdi an Malaysia na igwa nin duwang bulawan, duwang silver asin tolong bronze medals mantang nasa ikatolong pwesto man an Thailand na igwa nin pitong silver asin limang bronze medals.
Nasa ikaapat na pwesto man an Pilipinas na nakapagpuli nin sarong silver asin duwang bronze medals, ikalima an Indonesia na igwa nin tigsarong silver asin bronze medals mantang igwa man nin limang bronze medals na nakua an Vietnam.
Mientrastanto, dae man makatubod an 16-anyos na tennis player na si Pang Yew En Koen, hale sa Singapore, makalihis na makatukdol nin bulawang medalya sa saiyang primera vez na laban sa Junior Boys Doubles Category.
Napag-araman na antes na nagpasiring sa Pilipinas an Team Singapore, nagkaigwa suboot sinda nin duwang semanang centralized training sa China asin haros arualdaw sindang nagti-training nin tolo hasta sa limang oras.
Pigmimirar man niya komo sarong ‘best experience’ sa saiyang table tennis career an pagkawat niya sa Pilipinas.
